لەخانەقین بەهۆی بەرزی پلەی گەرماوە زیاتر لە ٥٠ دۆنم لەوەڕگا و پوش و پەڵاش سوتا

b_٢٠٠_NaN_13421772_00_images_stories_Ager.jpgسایتی (ئاوێنه‌):

ئەمڕۆ ئاگرێكی گەورە لە ژمارەیەك گوندی سنوری قەزای خانەقین كەوتۆتەوە و زیاتر لە ٥٠ دۆنم پوش و پەڵاشی سێ گوند سوتاوە.

ئاوێنە، ئاودێر محەمەد : یەكێك لە جووتیارەكانی گوندی تەپە سپی سنوری قەزای خانەقین بە ناوی مەحید محەمەد بە ئاوێنەی راگەیاند “پاش نیوەڕۆی ئەمڕۆ ئاگرێكی زۆر گەورە لە گوندەكانی تەپە سپی و دارا و مێخاس کەوتۆتەوە و بەهۆیەوە لەوەڕگا وپەش و پەڵاشێکی زۆری جوتیاران سوتاون”.

وتیشی ” تیمەكانی پۆلیسی ئاگركوژێنەوە و پۆلیسی ناوخۆ و ئاسایش هاتوون بۆ کوژاندنەوەی ئاگرەكە. رائید ئەشرەف قاسم  ئەفسەری بنكەی پۆلیسی ئازادی لەخانەقین بە ئاوێنەی راگەیاند” مەزندە دەكرێت زیاتر لە ٥٠ دۆنم پوش و پەڵاش سوتابێ و دانیشتوانی گوندەكانی دەوروبەری خانەقین هۆكاری كەوتنەوەی ئاگرەكەیان نەزانیوە”.

هاوکات رائید ئەشرەف هۆکاری ئاگرەکەی ئاشکراکرد و وتی “بەرزی پلەی گەرما هۆكارە بۆبەردەوامی ئاگرەكەو تەشەنەسەندنی، بەڵام لەخامۆشكردنی بەردەوامین.

بە بڕیاری  ئەنجومەنی شارەوانی خانەقین، هاوشێوەی ناوچەكانی دیكەی كوردستان ئەمڕۆ سبەی بەهۆی بەرز بونەوەی پلەكانی گەرماوە كراوە بە پشوو هەروەک حکومەتی هەرێم لە هەمو دام و دەزگاکانی هیرێم سبەینێ کراوە بە پشو.