مانگرتنی گشتی لە خانەقین ڕاگەیەندرا

سایتی سپی:

دژی زۆربوونی ته‌قینه‌وه‌ و ڕووداوه‌ توندوتیژیییەکان مانگرتنی گشتی لە خانەقین ڕاگەیەندرا و تەواوی دوکات و بازاڕەکان داخران.
پەیامنێری "سپی میدیا" ڕایگەیاند، دانیشتووانی خانەقین وه‌ك ناڕه‌زایه‌تییه‌ك به‌رامبه‌ر بێباكی به‌رپرسانی شارەکەیان له‌ ئاست خراپی دۆخی ئه‌منیدا ته‌واوی دوكان و بازاڕه‌كانیان داخست و مانگرتنی گشتی ده‌ستپێکرد و هوڵاتیان دەڵێن له‌م شاره‌دا هیچ كه‌سێک هه‌ست به‌ ئارامی ناكات.

 دوو ڕۆژ لەمەوبەر سەلام عەبدوڵا، چالاكوانی دیاری خانەقین بە "سپی میدیا"ی ڕاگەیاند "بڕیارمانداوە ڕۆژی پێنجشەممە دانیشتوانی خانەقین دوكان و بازاڕ نەكەنەوە و جگە لە فەرمانگە خزمەتگوزاریەكان كەسیان نەچنە سەركار، دژی ئەو هەڵمەتە بەرفراوانی تیرۆرەی دەرهەق بە خەڵكی ناوچەكە ئەنجام دەدرێت".

ئەوەش لەکاتێکدایە له ‌ماوه‌ی یه‌ك هه‌فته‌دا چوار بۆمبی چێنراو له‌ خانه‌قیندا ته‌قێنراونه‌ته‌وه‌ و زۆربوونی ته‌قینه‌وه‌ و ڕووداوه‌ توندوتیژیییەکان ترس و نیگه‌رانییه‌كی زۆری له‌ناو دانیشتووانی خانه‌قیندا دروستکردووە.
خراپی بارودۆخی ئه‌منی خانه‌قین هه‌ر هاووڵاتیانی كوردى تووشی ترس و دڵه‌ڕاوكێ نه‌كردووه‌، به‌ڵكو هه‌موو نه‌ته‌وه‌كانی خانه‌قین ترسیان له‌و بارودۆخه‌ ئه‌منییه‌ هه‌یه‌ كه‌ باڵی به‌سه‌ر شارەکەدا كێشاوه‌.

ئاسایشی خانه‌قین له‌ ئه‌ستۆی پۆلیسی فیدراڵی و سوپای عێراقدایه‌، هه‌شت هێزی جیاوازی حه‌شدی شه‌عبیش لەو شارەدا بوونیان هەیە، ئاسایشی گه‌رمیانیش به‌ هاوبه‌شی له‌گه‌ڵ پۆلیسی فیدراڵی ئاسایشی سنورەکەیان له‌ ئه‌ستۆ گرتووه‌، به‌ڵام ڕووداوه‌كان تا دێت زیاتر ده‌بن.

Khanaqin1 21062018

 b_200_0_16777215_01_images_stories_Khanaqin2-21062018.jpgb_200_0_16777215_01_images_stories_Khanaqin3-21062018.jpgb_200_0_16777215_01_images_stories_Khanaqin4-21062018.jpgb_200_0_16777215_01_images_35882688_1682237318562337_2051838209536557056_o.jpg

Articles express the views of the writer and do not necessarily reflect the viewpoint of the Khanaqin site